په افغانستان کې د ملګرو ملتونو کورنۍ:

د افغانستان لپاره د ملګرو ملتونو ستراتیژیک چوکاټ په افغانستان کې د خلکو د اساسي بشري اړتیاوو د پوره کولو لپاره د ملګرو ملتونو تګلاره روښانه کوي. دا چوکاټ د «هیڅوک شاته نه پرېښودل کېږي» د اصل پر بنسټ ولاړ دی او د هغو کسانو اړتیاوې او حقونه لومړیتوب ګرځوي چې تر ټولو زیان‌من او له پامه غورځول شوي دي؛ لکه ښځې او نجونې، ماشومان او ځوانان، په کور دننه بې‌ځایه شوي کسان، راستنېدونکي، کډوال، قومي او مذهبي لږکي، له جغرافیایي پلوه لرې پراته ټولنې، جنسي او جندر لږکي، د کوچیانو ټولنه، له معلولیت لرونکي کسان، د بشري حقونو مدافعین، د نشه‌يي توکو کاروونکي، او هغه کسان چې له HIV سره ژوند کوي او یا ترې اغېزمن شوي دي.